تعرض المعتقل /خالد حمدي عبدالوهاب رضوان -34 عاما- للإهمال الطبي بمقر احتجازه بسجن العقرب، حيث تم منع العلاج عنه ومنع حجزه في المستشفي لعمل عمليه حيث يعاني من فتق بالحجاب الحاجز وقرحة مزمنه بالمعدة وارتجاع بالمرئ وخشونه بالركبه والبواسير.
والمعتقل خالد تم القبض التعسفي عليه يوم 27 مارس 2014، متزوج ولديه طفلان اسماء 7سنوات ونصف وثائر 3سنين ونصف#اتولدثائر ووالده بالمعتقل، محتجز في اتش 1وينج1 ممنوع من الزياره منذ 10شهور.
تحديث 18/12/2018:
زوجة الصحفي المعتقل خالد حمدي عبد الوهاب تكتب على صفحتها الشخصية على "فيسبوك":
"زوجي خالد حمدي بسجن العقرب عرفت حالا انه دخل التأديب وتأديب العقرب غير اي تأديب
خالد دخل التأديب قبل كده وكان في عز الشتا نفس الايام دي
قالي خلعوني هدومي وفجأه الاقي الباب بيتفتح ويرشو علي ميه ساقعه يغرقوني
خالد لمازرته قبل كده وكان خارج من التأديب بقاله شهر وشه كان مليان برابيق والفم ازرق غامق ووشه اصفر وخاسس لان
مش بيبقي معاه غير ازازة ميه واقل القليل من الاكل وطبعا انفرادي والاوضه اسود في اسود
وبعد مابيوشك علي الموت يودوه العزل اوضه العزل أقل سوء من التأديب
التأديب في العقرب بيؤدي للموت وفي واحد مات في العقرب كان طالع من التأديب ومن كتر التعذيب مات
مش عارفه اعمل ايه اواقول ايه بس اسألكم الدعاء لزوجي
خالد ممنوع من الزيارة من سنه و10شهور
اكتبو عنه اي حد يعرف زوجي اوميعرفوش استاذنكم تكتبو عنه اوتشاركو البوست
وافوض امري الى الله هو حسبي ونعم الوكيل
اللهم احفظ زوجي اللهم اني استودعتك زوجي فاحفظه يارب اللهم اجعل تعذيبهم له بردا وسلاما عليه"